Song - Marathi Paul Padate Pudhe
Movie - Maratha Tituka Melavava (1964)
Lyrics - Shanta Shelke
Music - Anandghan (Lata Mangeshkar)
Singers - Lata, Usha, Meena, Hridaynath Mangeshkar, Hemant Kumar
गीत - मराठी पाउल पडते पुढे
चित्रपट - मराठा तितुका मेळवावा (१९६०)
गीतकार - शांता शेळके
संगीत - आनंदघन (लता मंगेशकर)
स्वर - लता, उषा, मीना, हृदयनाथ मंगेशकर, हेमंतकुमार
गीत - खरा स्वधर्म हा आपुला
जरी का कठीणु जाहला
तरी हाची अनुष्ठीला, भला देखे
स्वराज्य तोरण चढे
गर्जती तोफांचे चौघडे
मराठी पाउल पडते पुढे !
माय भवानी प्रसन्न झाली
सोनपावली घरास आली
आजच दसरा, आज दिवाळी
चला, सयांनो, अंगणि घालू
कुंकुमकेशर सडे
मराठी पाउल पडते पुढे !
बच्चे आम्ही वीर उद्याचे
बाळमुठीला बळ वज्राचे
वारस होऊ अभिमन्यूचे
दूध आईचे तेज प्रवाही
नसांतुनी सळसळे
मराठी पाउल पडते पुढे !
स्वये शस्त्र देशार्थ हाती धरावे
पिटावे रिपूला रणी वा मरावे
तुझ्या रक्षणा तूच रे, सिद्ध होई
तदा संकटी देव धावून येई !
जय जय रघुवीर समर्थ
शुभघडीला शुभमुहूर्ती
सनई सांगे शकुनवंती
जय भवानी, जय भवानी
दश दिशांना घुमत वाणी
जयजयकारे दुमदुमवू हे
सह्याद्रीचे कडे !!
No comments:
Post a Comment